O punto de partida do noso proxecto con alumnos/as de 1º ciclo de educación primaria case foi unha necesidade dado que tivemos unha epidemia de piollos. O noso obxectivo principal e do cal partimos neste traballo é o de transmitir valores como:
Confianza, eficacia, respecto, responsabilidade, tolerancia, vontade, diálogo, esforzo, esperanza, disciplina, éxito, familiaridad, felicidade, ilusión, honradez, naturalidade, obediencia, traballo, cooperación, cidadanía, solidariedade, etc.
Este proxecto, cun enfoque globalizado, é un programa aberto, cunha serie de actividades onde a súa prioridad é a de concienciar acerca da problemática que xorde en colectivos, sobre todo con nenos/as nas nosas escolas e implicar a todo o alumnado, familia, profesorado, en definitiva a toda a comunidade escolar na procura de solucións, obter información , na realización dos protocolos adecuados nos tratamentos de responsabilidade…
Esta programación non a entendemos como unha unidade didáctica concreta e nun espazo concreto senón que pretendemos que sexa unha constante no curso e, en sucesivos anos, facendo participe ás familias para controlar os molestos e, ás veces continuos contaxios.
Os primeiros pasos:
· Unha carta informativa aos pais/nais de toda a comunidade escolar para informar do noso proxecto e os obxectivos que queremos conseguir.
· Programación conxunta de todo o profesorado e todas as áreas.
· Partir do que sabemos e experiencias das distintas familias.
· Conferencia e proxecto en power point dunha mamá médico sobre o tema ás familias.
· Elaborar os nosos propios consellos para accións cotiás intentando entre todos paliar os efectos negativos da incomodidad de ter que vivir con tan incómodos bichiños.
· Difusión da información a través da plataforma virtual do colexio.
A nosa experiencia podémola dividir en distintos apartados.
A nosa experiencia podémola dividir en distintos apartados.
- ¿QUE SON OS PIOLLOS? ¿COMO NOS AFECTARÁ? ¿QUE PODO FACER? RECOMENDACiÓNS PARA FREAR UNHA EPIDEMIA E SOBRE TODO NON ME AVERGOÑO DE TER PILLOS
Metodoloxía:
Propoñemos unha metodoloxía baseada no descubrimento e no xogo. As actividades propostas son variadas e breves para que a aprendizaxe sexa lúdica, dinámica e motivadora.
As actividades deseñadas favorecen o auto-descubrimento, a observación, a manipulación e a posterior reflexión e posta en común.
Autores/as: aínda que o proxecto e a iniciativa partiu do primeiro ciclo de primaria e as familias, a participación foi de toda a comunidade escolar (sobre todo na posta en práctica dos protocolos de actuación).
Colexio Guillelme Brown
Teresa Vega García
15 de febreiro de 2009